ni scuirdamu cu siemu,
ri unni viniemo,
e picchi ninni iamu certi vuoti,
n'amu scuirdatu cuomu si mancia,
cuomu si vivi,
e nsoccu significa pititto,
ma ogni ghiorno ni susiemu e cun cuorpu i martieddu cafuddamu supra a tiesta
run chiovo!
enzoche' stu chiovo ?
un chiovo e'..............una cosa diversa piu' tutti ,
ad ognuno u so chiovo,
c'e' cu u chianta pi raggia, e cafudda aspittannu un ghiorno cun cuorpo ntiesta i trasillu tuttu,
c'e' cu chianta pi speranza, e cafudda sapiennu runni putirisi appizzari pi cuogghiri i fuorzi,
c'e' cu u chianta p'abbitudini, picchi la bistu fari o l'ha sintutu e allura " cafuddamo "
c'e' cu u chianta sapennu ca prima o poi, o si porta r'appressu u muru o forza sava a fare pi n'cuminciari arre a chiantari,
c'e' cu si passa u tiempu a fari capiri ca cuova unn'ha mai chiantato, e ombieci unn'avi chiu runni mitilli,
o Signuri 3 chiova ci misiru, eppuru unni vai vai , chiesa, scuole, putie, o coddo ri cristiani,
stu Signuri sempri da' u truvamu,
e allura chi e' stu chiovo ? u chiovo ru Signuri?
u chiovu ru Signuri unn'ha mai esistuto,
siemu nuavutri ca u tiniemu ncruci ogni bota ca u taliamo,
viri si cia' mai statu coircaruno ca avissi giratu u marteddu o contrario
e o posto i chiantari n'avissi nzignato a livalli sti chiuova,
astura o posto i susirinni cu pinzieru ru chiovo e chi vrazza gia rutti,
ni susissimu tutti sapenno ca chiova uncine' e ca o Signuri in cruci u livaru,
ni susissimu chi vrazza lieggi pi putirini abbrazzari l'unu cu l'avutru,
isari l'uocchi e fari viriri i rienti fistusi,
sulu na cosa un pinsavu!!!
O Signuri Ncruci gia' ciu' misiru ,
e pun fallu lagnari i chiddu chi siemu giramu tutti u marteddo, e scippamu.............
Mi va cuircu ca rumani ca mattinata m'aspetta un chiovo..............
Nessun commento:
Posta un commento